written @ 2:27 am on 04.12.03

我突然諗－－

如果半夜三更，我身體無喇喇極唔舒服，要睇急症，我唔想嘈醒屋企人，咁我可以打俾邊個人呢？我諗搵個男的陪會好ｄ，夜晚嘛。

然後我想，搵你當然好，不過我係唔會搵的。

p.s. 諗係因為我o岩o岩無喇喇咳到好似要咳o左個肺出o黎咁。嚇死我。

　

written @ 9:58 pm on 03.12.03

今天，起床時我累得像要死般，我整個背脊也在痛。但還得趕去教公公婆婆呀。今天教得 okok 喇，不是太好但未至於差到要唔開心。返到學上堂收到兩科 music 的成績（是的已經考o左試喇），兩科都 okok 呀，可能可以靠劭地挽救我今個 sem 瀕死o既 GPA。今天上晒堂我就立刻趕返屋企訓覺。今晚還要溫書呀。

昨天晚上我做了一個很開心的夢呀，總之就是開心喇。因為前幾天我就想如果可以在街上無喇喇撞到你就好了；而o係夢入面真係無喇喇撞到呀，好有緣呀我o地。呵呵呵。

醒來時我發現還是想你會開心很多呢。
從前每次夢見他都是一些很心痛的夢。做夢後醒來，有很多時候都會偷偷哭一遍。我知道我付不起本錢痛痛的哭。不過有幾次夢見爸爸死了，每一次我都放聲大哭了起來。最記得有一次還是年初二呢。還要爸爸走過來說他還未死呢。ｈｅｈｅｅ。

如果有個阿 sam，俾人話忘年戀又有乜問題呢。俾人笑都無所謂喇。嘿嘿嘿嘿嘿。我不嬲都係忘年戀支持者來的。