累的一天 .

written @ 12:28 am on 14.08.03

實在是累了。

昨天晚上在谷底徘徊過後三點多才睡得著,今朝一早起身就是要去老人院教英文。

今天是我的第一堂,但,我遲到了。之後我是有一點慌張的,我只是在心裡對自己說你昨天晚上你告訴我的話,你說只要用心教就行的了,公公婆婆都是很鍚義工的嘛。我說但其實我是有$收的,但你就說公公婆婆都是看我做小朋友的喇,所以都不用怕。我信你的,因為我知道你很錫她,你還告訴了我她是怎麼學英文的。

不知怎麼,我覺得公公婆婆的年齡都好像很後生呀。有一個婆婆呀,我以為她是五十多歲的,但原來她已經六十幾歲了呀。我教完之後就要馬上返公司,阿 may 同阿 ching(兩位好好人的婆婆)就帶我去搭巴士喇,劭地行得仲快過我呀!而兩位婆婆係一次過上晒兩班o架,其實好似係我家姐o既忠實 fans 咁喇!

原來搭巴士o既地方就係上幾次你同我一齊去搭小巴o既地方,我好似同果一帶o既地方特別有緣咁。哈哈哈。

其實我係真係唔會特別鍾意搭巴士的,不過從而家開始我會訓練下自己鍾意的。今日放o左工我都即係去搭巴士回家睡呀。但下次都是搭小巴好了,就是唔搭地鐵就得喇。

今日我無開聲就不停咁大聲講o野,都真係好傷喉呀,真的要抖下呀。在公司時因為真的很累(前晚都只是睡了四五個鐘咋),兩日都唔夠訓,真的累死人了。但我想到你已經連續五個月訓唔夠,我就覺得自己真的唔可以叫累。昨天晚上,你不停的叫我早點睡時,仲話可以的話一定要訓多d,當做幫你訓埋,我差點哭了,我真的真的寧願可以訓的那個是你了。昨天晚上我在谷底時其實真的謝謝你陪我的。還有就是要謝謝傻表哥喇。

我現在正在儲100份勇氣給你。儲夠後我就會做的了。
現在還欠97份呀。

p.s. 我希望下一個星期之後,你可以不再行屍走肉,你一定要玩返夠本呀。一定一定要呀。

replay it once || play it now

To Read ---------------